மருத்துவரே மருத்துவரே கொஞ்சம் நில்லுங்கள் திரு முகவை முத்துக்கருப்பன் அவர்களின் 1997 ஆம் ஆண்டு சமுதாய மடல் பத்திரிக்கைக்கு எழுதிய கவிதை மடல்

மருத்துவரே  மருத்துவரே கொஞ்சம் நில்லுங்க -உங்க 

மனக்குறைதான் என்னனு இப்போ சொல்லுங்க 

கருத்துக்களை கேட்டிடுவோம் நாங்கதானுங்க -உங்க 

கவலைகளை விரட்டிடுவோம் உறுதிதானுங்க 

கூலிக்குத்தான் பிழைக்கிறாங்க நம்ம ஆளுங்க -சும்மா 

குடித்துகுடித்து அளிக்கிறாங்க நிறையபேருங்க 

சாதியைத்தான் பேசுறாங்கமற்ற ஆளுங்க -ஆனால் 

சங்கடத்தில் வாடுவதோ நம்ம குமருங்க 

அடிமைசெய்யும் குடியைநம்பி வாழலாகுமா -சும்மா 

அவதிப்பட்டு குடலறுக்க விதி வசமா 

வாலிபத்தில்தேடி  வைத்துவாழ  பழகணும் -வரும் 

வயோகத்தில் அதைசுவைத்து வாழ்ந்துமறையனும் 

போதைபோதை என்போருக்கு ஒன்றுசொல்வேங்க -கொஞ்சம் 

பொறுமையுடன் கேட்கவேணும் நீங்கதானுங்க 

கோடிபணம் தேடித்தரும் கோலார்தங்கமா -அது 

கொன்றுஉன்னை  தூக்கிவிடும் சாவுசின்னமா 

காந்தித்தாத்தா போலநீங்க மதுவைமறக்கணும் -தினம் 

காலைமாலை வேலைசெய்து பணத்தைசேர்க்கணும் 

மனைவிமக்கள் தான்மகிழ வாழ்ந்துகாட்டணும் -தெய்வத்திடம் 

மண்டியிட்டு தண்டம் செய்து மன்னிப்பு கோரணும். 

கவிதை ஆக்கம் 

திரு முகவை முத்துக்கருப்பன் ராமநாதபுரம் 

1997 ஆம் ஆண்டு சமுதாய மடல் பத்திரிக்கைக்கு எழுதியது